02/06. Irene Faza presenta La Tierra la Gallina

---

La Tierra la Gallina ye un prau d'Enu, n'Amieva. Pero tamién ye una ausencia. Ye la tierra que s'abandona pa poder siguir. Ye'l pan cambiáu pola firida. Ye'l silenciu que queda cuando la guerra lo lleva too. Nel nome d'esi prau ta escrita la historia d'una familia: la fame, el mieu, la represión de la posguerra. Antonio, enterráu nuna fosa común. Mersinda, trocando tierra por un sacu farina pa sostener la vida de los fios. Y Olvido, neña entós, guardando ensin sabelo una memoria que nun yera solo suya, sinón d'un pueblu enteru. El nuestru.
Irene Faza Aladro, escribe esta obra sobre esa memoria, recoyida en forma d'entrevistes que-y fizo a so güela. Esta ye la historia d'Olvido, pero tamién la d'un país qu'aprendió a callar. ❤️‍🩹❤️‍🩹

Acompaña a la autora Natalia González.

---