10/06. Sofía Castañón presenta Esti amor asturfalante

---

Sofía Castañón (Xixón, 1983) ye poeta y creadora audiovisual. En 2006 gana l’Asturias Joven de Poesía con Animales interiores (Trabe, 2007) y entama a espublizar poemarios en castellanu y n’asturianu y a participar en dellos festivales lliterarios dientro y fuera del Estáu español. En 2009 algama la beca de creación na Residencia de Estudiantes y frutu d’ello escribe varios llibros de poesía. Ún d’ellos ye Tiempu de render (Trabe, 2010), Premiu Nené Losada Rico en 2009; otra colección de poemes supunxo’l Premio Voz + Joven de La Casa Encendida en 2010 y los poemarios La noche así (2012) y Prohibido silbar (2014), entre otros. Nel terrén audiovisual dirixó les películes Se dice poeta (2014) sobre’l panorama poéticu contemporaneu dende la perspectiva de xéneru y Que sirva de ejemplo (2021) sobre la heteronorma nel canon cultural. Tien trabayao como articulista, redactora, presentadora y productora en dellos medios de comunicación dende l’añu 2000 hasta anguaño. Foi diputada por Asturies nel Congresu les llexisllatures IX a XIV (2016-2023)

Esti amor asturfalante foi galardonáu col premiu de poesía Xuan María Acebal 2025 y fala del amor a tolo que se ama na vida: el fíu, la madre, la pareya, l'idioma, la identidá. Esti poemariu naz de lo cotidiano y esplora l'amor nun recuerdu casi constante a otres autores.

---